معانا النهاردا ولمدة اسبوع ملكة الاحساس (( ملكة اللأحزان ))

فى البدايه القى السلام

وارفع لكى قبعتى وانحنى لكى تقديرا واحترام

قرات ردودك على الاسئله كلها دون ملل

ولاكن هناك عدة اسئله اريد لها اجابه وده ليس تطفل منى

ولكى الحق فى الاحتفاظ بها لنفسك

فانا احترم جدا الانسان الذى يحافظ على اسراره لنفسه

ولاكن هذه الاسئله اسئلها بما اننا هنا كلانا اصدقاء

فدافع الصداقه هوا من جعلنى اطرح اسئلتى

1 - بما انكى سميتى نفسك ملكة الاحزان وهذا الاسم كما قلتى انه ليس اسم

ولاكن هوا متشابه معكى لما تحميليه من احذان فمتا تتحرر ملكة الاحزان

من هذه الاحزان ومن اسمها ؟

2 قلتى انكى تمنيتى حب وطلاما حلمتى بتحقيقه حتى طاب لكى ما تمنيته ومع

علمى انا ان الحلم طموح والحب هدف والرغبه فى تحقيقه سعاده وهاهوا قد تحقق

اى تم كل شى اذا انتى اجتمع فيكى كل من الحلم والطموح والهدف والرغبه والسعاده

ومع كل هذا ماذال الحزن مكانه فما نوع هذا القلب او الانسان الذا يجتمع فيه كل هذه

الصفات هل تشعريد ان هذا من الممكن ؟

3 اين ؟ دعاء من الحزن ؟ وملكة الاحزان من الحب ؟

4 نعلم جميعا ان الحزن يولد كبير ويصغر مع الايام

فكيف ولد الحزن عندكى ومتا سينتهى ؟

5 سؤال شخصى عندما سئلكى احد الاعضاء وطلب منكى

ان تصفى تلك المهن على الاعضاء

فلماذا عينتنى انا ميكى بكل من المحامى والدكتور النفسى

اتمنا ان لا تسبب لكى اسئلتى اى نوع من من الازعاج

ومن حقق عدم الرد

تقبلى احترامى

mickey

_________________

إممممممممممم أخيرا ميكى دخل والله كده القعده هاتحلو

وواضح إنى هاقول حاجات صعب قوى كنت هاقولها

فى البدايه القى السلام

وعليكم السلام ورحمة الله وبركاته

وارفع لكى قبعتى وانحنى لكى تقديرا واحترام

قرات ردودك على الاسئله كلها دون ملل

الحمد لله إنك ماملتش لانى حاسه انى برغى كتير

بس اعمل ايه اللى جوايا كتييير جدا

ولاكن هناك عدة اسئله اريد لها اجابه وده ليس تطفل منى

يبقى تطفل منك لو كنت مش بعتبرك أخ بس إنت أغلى من الاخ نفسه

ويعلم ربنا انك من بين الناس اللى يهمنى معرفتهم جدا

ولكى الحق فى الاحتفاظ بها لنفسك

لالا مش تخاف هاجاوب حاضر عيونى ليكم جميعاً

فانا احترم جدا الانسان الذى يحافظ على اسراره لنفسه

أسرار لو كانت مع ناس غريبه مش فى البيت هنا بين الاخوه

ولاكن هذه الاسئله اسئلها بما اننا هنا كلانا اصدقاء

أصدقاء وإخوات طبعا والحمد لله

فدافع الصداقه هوا من جعلنى اطرح اسئلتى

إتفضل ياغالى

1 - بما انكى سميتى نفسك ملكة الاحزان وهذا الاسم كما قلتى انه ليس اسم

ولاكن هوا متشابه معكى لما تحميليه من احذان فمتا تتحرر ملكة الاحزان

من هذه الاحزان ومن اسمها ؟

نعم بالفعل هذا ماقلته فأنا ملكة الأحزان ولن أتخلى عن لقبى أبداً

وإختارته لان متشابه بحياتى والاسم بيوصفنى من الداخل

هاتحرر إن شاء الله لو ربنا أنعم عاليا بنعمة النسيان

ولو إنها مستحيله بس مش بعيد على ربنا سبحانه وتعالى

2 قلتى انكى تمنيتى حب وطلاما حلمتى بتحقيقه حتى طاب لكى ما تمنيته ومع

علمى انا ان الحلم طموح والحب هدف والرغبه فى تحقيقه سعاده وهاهوا قد تحقق

اى تم كل شى اذا انتى اجتمع فيكى كل من الحلم والطموح والهدف والرغبه والسعاده

ومع كل هذا ماذال الحزن مكانه فما نوع هذا القلب او الانسان الذا يجتمع فيه كل هذه

الصفات هل تشعري ان هذا من الممكن ؟

إنه قلب وهبنى الله سبحانه وتعالى إياه ملئ بالحب والخير لكل الناس ولكنه مليئ بالحزن

والألام المريره ويعيش جو من الأحزان ممزوجه ببعض اللحظات من السعاده ولكن

سرعان ماتزول ويرجع القلب خائب الرجاء فهو لايستطيع محو الماضى من الذاكره

ولاكن بحب الله ورسوله لى أمل فى أن يتشفع لى حبيبى المصطفى عند الخالق

ليساعدنى على ترك همومى وأحزانى على الرغم من إنها تزداد لحظه تلو الأخرى

أما عن الحب فهو موجود بالفعل ولكن ليس كل شئ نتمناه يتحقق كما نعلم جميعا بسهوله

ففى كل شئ الحلو والمر وإن شاء الله سيساعدنى ربى على النسيان

3 اين ؟ دعاء من الحزن ؟ وملكة الاحزان من الحب ؟

دعاء موجوده الحنونه الطيبه المحبه لكل البشر جاءت كالملاك

وحتماً ستمضى فى هدوء كالملاك أيضاً

ولكن الحزن هو المسيطر الأن للاسف وبحب الله سيزول حتماً

أما ملكة الاحزان من الحب فلى هنا وقفه ورد بسيط لعله ابلغ من كثرة الحديث

فأصعب أنواع الاحزان والدموع أن تفعلهم وأن يملئون قلبك وأنت تخفيهم محاولة منك

إيجاد حل فى ترك الماضى والعيش فى الحاضر وسط الحب والسعاده

ولكن ليس عندما أقول أحب أننى أشعر بكامل السعاده

فدعاء ستشعر بها عندما ييسرها معها المولى ويسترها

ويجمع بينها وبين الحبيب فى الحلال

فلا تعطى للاحزان أو الخوف أو الهموم فرصه فى

أن تدق أبواب قلبها مره أخرى

4 نعلم جميعا ان الحزن يولد كبير ويصغر مع الايام

فكيف ولد الحزن عندك ومتى سينتهى ؟

ولد من طفولتى منذ تعرض والدتى وانا فى سن الرابعه من

عمرى الطفولى لحادث أليم دبره لها القدر فحادث القطارين ليسوا

من السهل على الانسان أن لايتركوا وراءه أى أثر وإستمر الحال

إلى وأنا فى عمر يناهز 22 عام

اى إستمر 18 عام الصراع مع الأحزان وإلى أن توفت أمى منذ عام وسبعة أشهر

.......

أما عن النهايه .. فلا يمكننى أن أقول أنه سينتهى إلا مع نهاية

الحياه فطالما نحن نعيش مع عالم ملئ بالحقد والكراهيه ولو هذا ماكان

هناك جنه ولا نار ولكن أدعوا ربى إبتعاد القوم

السوء عنى وعن والدى الحبيب وأن يتركونا نعيش سويا فى امان

ولا يحاولون خراب بيتنا المعتمر

ولا يوسوسون له ويهيئون السعاده له لو تزوج من أخرى

ويقف بجانبنا ويتزكر اننا ثلاثة فتيات نريد الزواج حتماً والستر

من الله فاعتقد أن إدخار صحته

وأمواله لنا أفضل لاننا أيتام فهنا تنتهى أحزانى وألامى و كل همومى

إن شاء الرحمن

5 سؤال شخصى عندما سئلكى احد الاعضاء وطلب منكى

ان تصفى تلك المهن على الاعضاء

فلماذا عينتنى انا ميكى بكل من المحامى والدكتور النفسى

لا أعرف ولكننى كنت أشعر بهذا لك أيام وجودنا فى منتدى سيف العرب

أشعر أنك أخ طيب وحنون تساعدا لجميع وتقف بجانبهم وتخفف عنهم

الامهم وتدافع عنهم فلذلك تخيلتك بالطبيب النفسى والمحامى المدافع

الذى لايحب الظلم

اتمنا ان لا تسبب لكى اسئلتى اى نوع من الازعاج

تؤتؤ أبدا خالص ده فى قمة السعاده وربنا اللى يعلم

وإزعاج ايه بس ادخل انت كل يوم وإسئل على راحتك ياغالى

ومن حقك عدم الرد

أنا رديت لإن اللى سئلنى هو ميكى

تقبلى احترامى

مقبول طبعاً ياغالى

mickey

ملكة الأحزان

_________________

إذا غــاب إســمي ولـم ترونــي فهــذه ردودي تذكـــرونــي
If my name was absent this Troni my responses Tzkroni

اسعدتينى بردك وبصراحتك

اتمنا لكى حياه تملئها الفرحه والسعاده وان يوفققى الله فى كل ما تتمنين

وان يجعل لكى اخوتكى سندا فى الحياه وان يحبب قلوبكم فى الخير

وان يجل اباكى سندا لكم وان يرزقه الصحه والعافيه وان يعينه عليكم

وان يرحم الله والدتك ويغفر لها زنوبها ويرزقها جنت الخلد ويجمعها بلصالحين

والانبيا المرسلين وعباده الطائعين اللهم امين

اختى فى الله الله وحد يعلم مدا الاحترام الذى اكنه فى نفسى لكى

تقبلى تحياتى

_________________

شكرا جزيلا لك ا خى الطيب على كلامك ودعواتك القيمه هذه لى

ولى عوده ان شاء الله احبابى

{أحبكم جميعاً فى الله }

_________________

إذا غــاب إســمي ولـم ترونــي فهــذه ردودي تذكـــرونــي
If my name was absent this Troni my responses Tzkroni

أنا عمري ماشوفت كرسي الإعتراف زي بتاعك يا دعاء

بحييكى على صدقك. وجوابك في قمة الروعة إنتي مثقفة جدا

وأنا أحييكى وعايزة أتعرف عليك بجد

ربنا يسعدك يادعاء ويسعد إخواتك ويخليلك باباكي ويبعد عنكم أهل السوء

ويرحم مامتك

وأنا بقولك والله العظيم أنا بقرأ لها الفاتحة على روحها الطيبة

دلوقتي. هي في الجنة يا دعاء متحزنيش

يا رب تفهمى تقرى كلامي يا دعاء ده اللى قدرنى الله عليه وأعرفه

ياريت كنت أعرف أتكلم زيك وأكتب زيك إنتي هايلة.

وإقبلى تحياتي من قلب أماني

_________________

لا تمشي امامي .. فربما لا اتبعك !

ولا تمشي خلفي .. فربما لا اتمكن من قيادتك ..!

لكن امشي بجانبي .. وكن صديقي ..!

بسم الله ما شاء الله

بجد ربنا يجعل ايامك كلها خير وسعادة على طووول يا دعاء

ونرجع تانى للجزء .........

اهلا بيا طبعا

:: ونبتدى باسم الله ::

1) ماذا تعني لكي الكلمات الآتية

.... العاطفة .... الرحمة ..... العقلانية .. موضحة إجاباتك بمواقف حدثت لكي

2) عندك كام صديقة ممكن تثقي فيها جدا لكي تطلعيها على أسرارك.

3) إيه أكتر موقف محرج حدث ليكي في المعهد.

4) إيه أفضل بلد تحبي تعيشي فيها في جمهورية مصر العربية .وبرة مصر ؟؟

5) كام مره حسيتى انك ملكيش لزمه فى الحياه ؟؟

6) ولو انتى حاسه انك ليكى لازمة فى الحياة؟؟ايه الدليل؟؟

7) اكتر حاجات بتضايقك اية ؟؟

8 ) هو تعريف الهدف من وجهة نظرك ؟؟؟ووصلتيله ولا لسه؟؟ولو لسه بتحاولى توصلى ولا مطنشة الموضوع؟؟؟

9) كم عمرك يوم بديتى تصوم؟؟ وكم كان عمرك يوم بديتى تصلي؟؟

10) اجمل دولة سافرتى لها؟؟ ولماذا؟؟

11 ) لو كنتى بهذه المناصب هتعملى اية :
وزيرة الصحه:
وزيرة التربية والتعليم:
وزيرة الماء والكهرباء:
وزيرة العمل والشؤون الاجتماعية:
قائدة القوات المسلحة

وزيرة الاتصالات:

12 ) كم سنه صارلك بالنت ؟

13) موقف اثر في حياتك وخلاك تستفيدى منه ؟

14) مارأيك في الإختلاف في العادات والتقاليد ؟ وهل الإختلاف بين الناس في رأيك يسبب المشاكل والمتاعب؟

15) عندما تكونى مقتنعه بشي هل تستطيعى ان تقنعى به غيرك ؟ والى اي درجة؟

16) لو كان ممكن يعود الزمن بكى الى الوراء 5 سنوات ماذا كنتى تغير في حياتك الحالية؟

17) لو كان ممكن ان تهربى من واقعك هل تفعلى ؟ ولماذا؟ ومع مين ؟؟

18) كيف يمكن لشخص عاقل وناضج أن يتجنب عن الخوف من المستقبل والقلق من فقدانه لمن يحب خاصة في حالة يكون فيها القلق غير مبرر ؟؟وكيف يتجنب عن الشك والغيرة ؟ وكيف يشتري راسه ؟

19 ) بما إنه كان رأيك بالحب رائع .. لية في اعتقاد غالبية الناس انه الشخص لو حب كأنه أرتكب جريمة ؟ مع إنه الحب يجي فجأة من غير سابق انذار ..

20) هل انتى مغرورة ؟؟ وامتى تكونى مغرورة ؟؟

21 ) ما هو اكثر ما يرضي غرورك

ووفيان بالوعد وسألنا اهوة

جوبى على دووووووول

ولو فاضل فى وقت هجيلك تانى ان شاء الله

سلام

_________________

I do not Know Iam Happy OR Sad

BUT N0W.. At This Moment

Iam Very Very Happy To See You at Right

TnX f0r GoD

عدل سابقا من قبل في 11/15/2007, 06:17 عدل 1 مرات

ربنا يارب يخليكى ياقمر وماتحرمش منك ابدا ياسكر وانتى منورانى والله

بوجودك وربى يعطيكى العافيه وجزاكى كل الخير بدعواتك الطيبه والكريمه لى

وانا والله كمان برده نفسى حقيقى اتعرف بيكى بس نقول ايه بقى اللقاء نصيب

وان شاء الله نكون احلى اخوه وربنا يخليكى وتفضلى دايما بخير ومنورانى يارب

ومتخافيش انا عارفه اقرا كلامك كله وان شاء الله تكتبى افض واحسن منى كمان

وإحنا هنا كلنا إيد واحده وفى خدمة الجميع وديه روح المصريين الجميله وطبعا

اللى بيحبنا احنا بنحبه اكيد وشكرا لروحك الطيبه ديه

_________________

إذا غــاب إســمي ولـم ترونــي فهــذه ردودي تذكـــرونــي
If my name was absent this Troni my responses Tzkroni

عدل سابقا من قبل في 11/15/2007, 06:18 عدل 1 مرات

بسم الله ما شاء الله

بجد ربنا يجعل ايامك كلها خير وسعادة على طووول يا دعاء

اللهم امين يارب العالمين وربنا يخليك ياغالى

ونرجع تانى للجزء .........

اوك وانا اهوو معاك

اهلا بيا طبعا

طبعا شرفتنى

:: ونبتدى باسم الله ::

بسم الله

1) ماذا تعني لكي الكلمات الآتية

.... العاطفة .... الرحمة ..... العقلانية .. موضحة إجاباتك بمواقف حدثت لكي

العاطفه -لما بشوف امى وهيا بتعطف على الكل حتى الحيوانات

والله وبحب اكون زيها لانه شئ مهم جدا فى الحياه الموقف بقى لو فى قطه

محتاجه تشرب تشربها او تاكلها وساعات تنزل فى عز تعباها تشترى ليها علاج

ام والله بجد حتى الطيور زمان كانت بتحب تربيهم فى السطوح ودول عشقها

الوحيد وانا نفس الشئ كانت تطلع تاكلهم بايدها وفى فى حاله مرضيه

لايرثى لها والله كانت بتفقد الزاكره ومكانتش بتعرفنا ممكن حوالى 30 يوم

واكتر لاكن العطف فى قلبها مش بتنساهم وتلاقيها تطلعلهم عشان تاكلهم ودايما

تقول الطير حيوان اخرس ولا عشان بيقول انا جعان ويزعق مانهتمش بيه ونحس بيه

الرحمه -هيا صفة ربنا سبحانه وتعالى ونفسى قلبى يفضل طيب وحنون

ورحيم بكل العباد يارب وماحدش ياخد عنى اى فكره انى مش رحيمه لانى

بجد الرحمه اساس حياتى

موقف بقى .. مره اخواتى شافوا واحد فى الشارع ماسك قطط وبيضربهم

وبيموتهم عشان بيدايقوه لاكن اخواتى جابوا منهم اتنين فى البيت دول اللى

قدروا ينقزوهم ولما والدى زعق عشان ماجابوش الطلب اللى طلبه ماما

بقى قعدت تهديه وفرحت بيهم واخدتهم تدفيهم من البرد كنا فى رمضان

ساعتها وانا كنت طفله بصراحه من يومها وانا بعشق القطط وكل الحيوانات

وفضلنا نربيهم حتى الاناث منهم كنت بشوف ماما لو واحده منهم حبت تخلف

كانت تقف معاها اكنها انسانه وتفضل تغيرلها ملابس وانا بصراحه كنت بخليها

تاخد هدومى وكمان بأكلها بإيدى واشوفها تعبانه قوى وافرح انها بتبصلى

وكإنها بتدعيلى وأمسحلها دموعها والله وأكنها إنسانه مش قطه

ملحوظه .. منكم اكيد هايكدبنى بس ربنا واحده اللى يعلم انى صادقه فى كلامى كله

أما العقلانيه بقى.. فأنا بصراحه متزنه وعاقله الى حد ما بس مش بركز احيانا

كويس فى حياتى لانى بخاف على ضعور الاخرين وبخاف من الزعل والحزن احيانا

بتهور فى اى موقف زعل لانى عصبيه الى حد ما بسيط لاكن بنسى بسرعه الزعل

لو اللى زعلت منه اتصالحنا بصرف النظر مين صالح مين يعنى فى بعض الامور

المفروض اخدها بعقلانيه واوزنها كويس لاكنا العصبيه بتسيطر عاليا واسفه مش

حاضرنى موقف حاليا

2) عندك كام صديقة ممكن تثقي فيها جدا لكي تطلعيها على أسرارك.

بص عندى كتير على النت وكان عندى فى اثناء الدراسه ومنهم واحده لسه

اصدقاء بس دلوقتى الامور بينا سطحيه عشان صلة الرحم بينا كأصدقاء بس

اسرارى اتنسن بيعرفوها واحده جارتى والتانيه على النت بس مش هاكدب

عاليك مش ادق تفاصيل اسرارى لانى بحب اخد حزرى والسبب فى كده وهيا

بتحكى عن اصدقاء عمرها من الطفوله وبشوف حقدها وغيرتها منهم وعاليهم

ولو زعلت مع واحده منهم بتتكلم عنها ازاى فابخاف بصراحه يعنى هما اصدقاء

عمرك وبتتكلمى عنهم كده غيابهم وانا بقى هاتعملى ايه ديه صحبتى وجارتى

بقالنا اصحاب شهور بسيطه لما اشترينا شقة جدتها وكده بس بحكيلها

برده لانها من سنى ولان مش عندى حد احكيله غيرها هيا ووالدى ربنا

يخليهوملى اقرب ماليا فى الكون كله

3) إيه أكتر موقف محرج حدث ليكي في المعهد.

كتييييييييييييييييير قوى بص مع انها اسرار صارمه بس اللى سئلنى دادا ومش هاخبى

شوف انا الحمد لله ظروفى الماديه كويسه الحمد له مستوره بس مرض والدتى كان

صعب جدا ومالهوش علاج يعنى مش المرض الخطير لاء بس زيه برده والعلاج غالى

نااار وانا المعهد كان بيعدى مصاريفه من 7 لــ 10 الاف فى السنه من كل شئ واى

شئ والله وحصل بقى اننا بنقسط المصاريف وانا بدفعهم عادى وحصل كذا مره اقف

عند بابا المديره واستناها تحن عاليا وتأجلى مبلغ للترم التانى وتسيبنا ادخل الامتحان

والموقف بقى انى ماتعدوتش اتحايل على حد بس تقدر تقول كله يهون عشان علاج

والدتى وطبعا المفروض اللى بيقف عند الاداره اكيد ياما مشاغب او متاخر او عمل

شئ مش كويس او كده وانا لووقفت مش هاقول بقى انا واقفه ليه ولا هاكتب لوحه

انا هنا عشان المصاريف فاكل المدرسين عارفيه دعاء طالبه مثاليه ولو حصل

واتاخرت ولا حاجه مره يسامحونى وادخل عادى لاكن لما اقف يبقى فى شئ كبير

والكل بقى يفضل يتفرج بس والله عارفين وزعلانين عشانى وعارفين ظروفى

ومقدرين لاكن انا صعب قوى عاليا الموقف المحرج ده

4) إيه أفضل بلد تحبي تعيشي فيها في جمهورية مصر العربية .وبرة مصر ؟؟

اولا لو فى مصر ياما اسكندريه ياما الشرقيه بحبهم جدا

اما خارج مصر بقى يبقى مافيش غير بلدى الاصل السعوديه

5) كام مره حسيتى انك ملكيش لزمه فى الحياه ؟؟

كتيييييييير برده والله بص لما بلاقى حد منى قريب ومحتاج مساعده منى ومبقدرش

اقف جنبه او مثلا بكون محتاجه حاجه من شخص وابقى مكسوفه اطلبها واجى

لما اشجع نفسى عشان اطلب الاقيه محتاجها هو كمان بتكسف قوى لو عرف

او ماعرفش احتياجى للحاجه ديه المهم لان معنديش القدره للمساعده بزعل قوى

من نفسى وبحس ان ماليش لازمه

6) ولو انتى حاسه انك ليكى لازمة فى الحياة؟؟ايه الدليل؟؟

احيانا بحس ان ماليش لازمه واحيانا لاء يعنى مش دايما عشان كده هاقولك هنا دليل

بص احنا اسره بسيطه مكونه من ام واب وتلات بنات وانا اصغرهم لاكن اقرب

واحده ليهم انا الحمد لله وبسمع كلامهم وبخاف عاليهم وبحس بيهم وبحسن اليهم

اكتر واحده وعشان كده انا معاهم دكتوره وممرضه وتحت رجليهم يعنى بفنى نفسى

لخدمتهم اكتر من نفسى واخواتى كده برده بس انا اكتر بصراحه يعنى من الاخر

بيعتبرونى انا الكبيره والمشوه بينى وبين والدى انا وهو دلوقتى اصبحت اكتر من

اختى الكبيره نفسها لانها عصبيه قوى والتانيه يعنى حكيت انا ظروف تعبها قبل كده

ودخولها العنايه المركزه يعنى مش تقدر تتحمل اى شئ مثلى وده بياكد ان ليا لازمه

ودور فى بيتنا ولله الحمد صحيح عبئ كبير وحمل من الطفوله لاكن بدعى ربى انى

اتحمله ويكون على اكمل وجه ولان مافيش غير بركة دعاء الوالدين ليوم الدين

7) اكتر حاجات بتضايقك اية ؟؟

إن محدش يفهمنى او يهتم بيا نفسى الاقى حب وحنان واهتمام من الناس اللى

حواليا ليه كلنا كده مش بنحب بعض والحقد والغرورو والغيره ماليين قلبنا اولتقل

والقلب الاسود والشيطان مسيطرين على الكل مش عارفه ليه نفسى الاقى حب

وحنان واهتمام شئ يعوضنى اى دلع وحنان والدتى ربنا يارب يرحمها اللهم

امين بجد انا تيهه وعايشه فى ظلام من غيرها وحشتنى مووت

8 ) هو تعريف الهدف من وجهة نظرك ؟؟؟ووصلتيله ولا لسه؟؟ولو لسه

بتحاولى توصلى ولا مطنشة الموضوع؟؟؟

اخ جيت على الجرح ووقفت طيب بص انا كان طول حياتى قودامى هدف انى

اخلص تعليم لان كل سنه كنت بنجح فيها كنت بشوف احلى وارق واجمل فرحه

على وجه والدتى وهدفى انى انجح لكده عشانها ولما مكنتش انجح اشوفها بتموت

لانها عارفه ان السبب فى رسوبى هيا وملاحظاتىومرعاتى ليها معطلانى فكنت

بكدب عاليها واقول انى كنت بالعب ومش مهتميه اصلا لانى لوقلت انى عيانه

مثلا يبقى دمرتها وازاى مش تقوليلى بس التحقيق بقى الحمد لله حققت وخلصت

بس كان املى اكمل جامعه عالى يعنى او اشتغل وظيفه حلوه او اتجوز فى حياتها

وللاسف ديه احلامها وماقدرش احققها ليها قبل ماتسيبنى لاكن انا مش مطنشه ابدا

اللى مطنشاه هو الشغل اصلا لانى مش هاتحمل اوفق بين شغل وبيت واسره

صعب واما تكملة التعليم فاخلاص النصيب بقى اما الجواز ربنا يرزقنى بزوج

صالح ويرزقنى منه بزريه صالحه يارب امين ويقدرونى واسلمهم الرساله اللى

خدتها من والدتى ماهى الدنيا كده رساله وبنسلمها لبعض وبس يكون بقى حنين

قوى ويهتم بيا ويعوضنى يارب اى شئ اتحرمت منه

_________________

إذا غــاب إســمي ولـم ترونــي فهــذه ردودي تذكـــرونــي
If my name was absent this Troni my responses Tzkroni

نكمل هنا بقول طول الرساله مش مسموح بيه عزرا للجميع معاكم واحده رغايه بقى

9) كم عمرك يوم بديتى تصوم؟؟ وكم كان عمرك يوم بدئتى تصلي؟؟

اقولك وهاتستغرب والله بدئت الصيام وانا فى الحضانه عشان اقلد اهلى بس

مكنتش بكلم اليوم يادوب قرب العصر لاكن فى اولى ابتدائى بدئت احاول اتعود

على الصيام واما الصلاه بقى للاسف مش كنت بداوم كويس يعنى شويه

وشويه بسبب ظروف خاصه بيا يعنى بينى وبين ربنا مش حاجه وحشه بس

تعب وكده المهم ربنا يغفرلى بقى ولاكن المواظبه الحقيقيه بعد وفاة والدتى

واللى شوفته ياااااااااااااه شئ جميل قوى الموت للمسلمين الطاهرين كده

ملاك فعلا والله اكنها زى الملاك لو قعدت احكى مش هاوفيها هاتبقوا عاوزينى

احكى بقى سؤال واحد ارد فيه عن حياتها وظروف وفاتها كتير قوى صعب

اديدى وجعتنى ههههه كفايه وعينى خلاص اتدمرت من الدموع

10) اجمل دولة سافرتى لها؟؟ ولماذا؟؟

سافرت فين ياعمو انا من بيتنا للمدرسه لبيت عمتى لو حصل وخرجت اتفسح يعنى

من بيت لبيت ياقلبى اوعاك تحزن هههههههه لاكن زمان وانا فى ابتدائى كنت

بروح مع بابا وماما شغل له فى اسكدنريه وبحبها مووت وبحب البحر بعشقه بس

مافيش بره مصر ماخطيتش عتبه بعيد بحبها قوى هههههههه

11 ) لو كنتى بهذه المناصب هتعملى اية :

وزيرة الصحه:

هاهتم بنظافة ا لمستشفيات وازود القسم المجانى يبقى اجبارى على المستشفيات

الخاصه واشوف ايه الخلل فى الاجهزه الطبيه وليه كده واحاول انظم واوفر

عشان يبقى فى دخل ونشترى اجهزه حديثه وكمان هارخص علاج المرضى

يعنى على الاقل اصحاب المعاشات والعاملين انظملهم التامين الصحى كويس

اكتر من كده واهتم بيه

وزيرة التربية والتعليم:

هاقلل المناهج الدراسيه يعنى عندك انا مثلا درست سياحه وفنادق ةخدنا مواد

كتيره مالهاش لازمه وى علاقه بالسياحه لاكن هما زيادة مواد وبس عشان المدرسين

تاكل والطلبه تموت واهلهم يشحتوا لالالا صعب كده لازم وقفه ونظام اشوف ايه

المهم والمفيد

وزيرة الماء والكهرباء:

هاحاول ارخص شويه من الاستهلاك واوفر من الطاقه الازمه واعمل على حث

الجمهور واخليهم يوفروا من الاستهلاك واشوف الاماكن اللى مش فيها مياه

او كهرباء مالها فى ايه والسبب ايه وليه الاهمال وهافتح بقى موضوع الكهرباء

للشقق والعمارات الجديده لانه صعبه جدا اليومين دوول وضيعت عالينا فرص

كتيره قوى بسبب صعوبة ا لحصول على كهرباء

وزيرة العمل والشؤون الاجتماعية:

هاشوف ظروف البلد واحوال الناس ايه ومشاكلهم ايه واحاول احلها لان فى

ناس كتيره قريبه منى كانوا عاوزينى ادخل معهد خدمه اجتماعيه مثلا لانى بحب

اقف مع الكل واسمع مشاكلهم بس وكمان هازود فرص العمل واهتم بكل العاملين

واديهم حقوهم المسلوبه يعنى كمان عندك انا مثلا شوفوا التليفزيون اعلانات

مدارس الاورمان ماليه التليفزيون وخصوصا فى رمضان اولصيف وان فرص

العمل واقفه مستنيه بالهبل والله ولا شوفنا اى حاجه بل العذاب كله مع اننا فرص

العمل المفروض تكون كتير ومتوفره لينا اكتر ناس عشان السياحه مطلوبه جدا

قائدة القوات المسلحة

هانشط السباب واحمسهم على حب الوطن وانزع منهم الخوف من دخول الجيش

والحزن اللى بيملى قلوب الاهل لو ابنهم دخل الجيش وبينسوا حبهم للوطن صحيح

بيشوفوا المرار بس لو حصل ودخل عدوا هانعمل ايه بقى لاقدر الله واحنا بلد كسلانه

وبنحب الاكل والنوم بس وهاكون حنينه برده على المجندين زى ماكنت بشوف والدى

صحبتى وهو عقيد فى الجيش كان محبوب مع الجميع لانه كان معاهممحترم وكويس

ولان انا يهمنى جدا حب الناس

وزيرة الاتصالات:

هههههههههه جيت فى الصميم هارخص يااخويا فواتير التليفون ايه تعمل ايه اللى

زى حالاتى بتعشق الكلام والرغى الله تيجى بقى الفاتوره زى اخر مره 1300 جنيه

وابوها يشيل المباشر زى بابا وتتحرم لالالا كده ظلم صح وكمان هاشوف جهاز

كاشف السرقه لان احنا خطنا كان مسروق وظلمونى بالفاتوره

12 ) كم سنه صارلك بالنت ؟

سنه و7 شهور بعد وفاة والدتى رحمها الله لجئت له عشان احاول أشغل نفسى

شويه فى حاجه ومن قبل وفاتها مكنت بدخل كتير عشان مكنتش بفهم حاجه

بس بعد كده كررت اشوف اكلما لناس ازاى واعرفهم ازاى عشان يكون ليا اصدقاء

لغاية مارمانى القدر على سيف العرب اول منتدى اتعلم ازاى حتى اكون عضوه

واسجل فيه وازاى انزل مواضيع

13) موقف اثر في حياتك وخلاك تستفيدى منه ؟

وفاة والدتى اثر فيا بس استفادت لما شوفت وفاتها والنور اللى كان عاليها

وابتسامتها الكبيره وجمالها وانا بغسلها وبكفنها وده نور النبى من اعمالها

الصالحه الحمد لله

14) مارأيك في الإختلاف في العادات والتقاليد ؟ وهل الإختلاف بين الناس

في رأيك يسبب المشاكل والمتاعب؟

والله للاسف فعلا بيسبب مشاكل لاننا كلنا عايشين فى بلد واحده ولينا تعليم واخلاق

واسس بنعيش عاليه متشابهه بين المسلمين والنصارى يعنى عادى لازم كلنا نعيش

على اسس وتعليم واحد ليه بقى يكون فى اختلاف بين العادات عند المحافظه ديه

والمحافظه ديه والناس .. انا بصراحه من وجهة نظرى اللى عاوز يعيش صح

يشوف الناس حياتها ايه ويكون زيهم ومعاهم يكنى لو انا اهلى مش متحفظين

بعض الشئ فى اشياء معينه يعنى مش معقدينها ده مش يدينى الحق انا ازعل منى

الناس واكون معاهم بطبيعتى وماحفظش على العاداتا للى اتربوا عاليها لاء بحاول

اكون زيهم ومعاهم لو حالتهم المعيشيه بسيطه اقعد معاهم على الارض وماتعلاش

عاليهم واشوف ايه العيب عندهم وايه المتاح واحاول اكون قريبه منهم يعنى بتختلف

طبعا اطباع البشر مصر او فلاح او صعيدى ولو اننا كلنا سواسيه عندنا اسس بنمشى

عاليها بس يعنى على حسب تفتح الازهان والمدارك بين المحافظات والاهتمام بالتعليم

المتاخر ده بيخلينا مانتقدمش للاسف بنرجع للخلف لاكن لازم نتعايش مع الكل على

حسب عاداته وتقاليده حفاظا على حياتهم الشخصيه وحياءهم اللى يعمل مثلى كده

هايرتاح قوى حقيقى

15) عندما تكونى مقتنعه بشي هل تستطيعى ان تقنعى به غيرك ؟ والى اي درجة؟

والله احيانا لما بنتكلم مع والدى وبالراحه مثلا فى اى شئ لانه كبير اولا فى السن

وان بالنسبه له طفله مهما كان سنى وكمان مريض وديه اشياء بتسبب العصبيه على

الرغم من حنيته وانه متفاهم ولاكن فى بعض الاشياء لازم تعدى عاليها وانا بحاول

اقنعه ياما هو يقنعنى لو انا مش على ثواب ولانى طبعا لازم اراعى فرق السن لو

الانسان اصغر منى او اكبر لازم نقنع بعض لان القناعه كنز لايفنى ولازم يكون فيه

تفاهم وتعاون بس فى وقت يكون يسوده الهدوء مش اثناء الزعل او العصبيه احاول

اقنع اللى اودامى لاء صعب طبعا

16) لو كان ممكن يعود الزمن بكى الى الوراء 5 سنوات ماذا كنتى

تغير في حياتك الحالية؟

اقولك الصراحه كنت هاكون فى اولى ثانوى وساعتها والدتى هاتكون معايا

الصراحه كنت هاترك الدراسه وافنى روحى وعمرى لخدمتها واكرس حياتى

ليها محاولة منى انى اعوضها باى شئ والله ولو على حساب نفسى فى اى شئ

كنت مستعده اتنازل عن اى حق ليا فى الدنيا فى سبيل سعادتها لان نظرة ابتسامه

منها تسوى الكون كله انا على فكره كنت بعتبرها بنتى يعنى حتى منى انا اللى

السبب فى وجودها مش هيا يعنى اقرب منى لنفسى اقرب من مرئ عينى ووالدى

برده ابنى التانى ربى مايرحمنى منه وادعوله لان حالته الصحيه فى الدمار والله

واكيد كنت هاعمل عشانه هو كمان كتير مش والدتى بس

17) لو كان ممكن ان تهربى من واقعك هل تفعلى ؟ ولماذا؟ ومع مين ؟؟

اهرب من حياتى لاء صعب صحيح فيها الام ومرارواحزان بس لو فكرنا مع بعض

كده كل ده بسبب ظروف حياتى وفراق والدتى ومرض والدى يعنى دول الاهم

وانا لو هربت من كده بقى بتخلى عن اهلى واللى مالهوش خير فى اهله مش ممكن

يكون له خير فى اى شخص اما لو كنت هابعد شويه عن الاحزان فاهايكون مع الانسان

اللى ربنا هايرزقنى بيه عشان يعوضنى خير وعن اللى شوفته وهابعد عن الاحزان مش

هاهرب ولا هاتخلى عن ناس محتاجين ليا على الرغم من الاحزان اللى شايفاها بتزيد

يوم بعد يوم

_________________

إذا غــاب إســمي ولـم ترونــي فهــذه ردودي تذكـــرونــي
If my name was absent this Troni my responses Tzkroni

التكمله هنا

*****

18) كيف يمكن لشخص عاقل وناضج أن يتجنب عن الخوف من المستقبل

والقلق من فقدانه لمن يحب خاصة في حالة يكون فيها القلق غير مبرر ؟؟

وكيف يتجنب عن الشك والغيرة ؟ وكيف يشتري راسه ؟

شوف صعب الانسان يعيش بعيد عن الخوف والقلق على المستقبل كلنا نفسنا نعيش

فى راحه وامان وسلام بس نبعد عن الخوف بقربنا من المولى عز وجل جل شانه

هو القادر على تخفيف عنا همومنا وازالة الخوف من قلبنا ..اما خوفنا على فقدان

من نحب انت قولت من نحب يبقى ازاى هانبعد الخوف من فراقهم عننا صعب طبعا

لان الفراق امر مكتوب لامحاله بس نحاول نسعده بقدر المستطاع عشان بعد الفراق

مانحسش بالذنب ناحيتهم والقلق غير مبرر بقى بيكون من كثرة حبنا ليهم اما الشك فده

شئ مكروه جدا لانك لما تشك فى اى شخص قريب منك وبتحبه وبتعزه يبقى معناه

انك بتشك فى نفسك وانك غلط لانه من اختيارك انت وانت اللى وافقت تقرب منه

اما الغيره مطلوبه بصراحه وانا بعشقها مووت باحترم اللى يغير عاليا لان ده بالنسبه

ليا معناه انه بيحبنى قوى وبيخاف عاليا انما ارجع واقول الشئ الزايد عن حده بيتقلب

ضده فالازم يكون فى حدود فى الغيره مش توصل للشك وخير الامور الوسط الغيره

مطلوبه بس فى حدود ونبتعد عنها بوقفه مع النفس ونشوف احنا بنغير ليه وعشان ايه

والسبب ايه ولو فى حاجه عندنا محتاجه للتغير يبقى نحاول نصلحها بسسس والله

اعلى واعلم

19 ) بما إنه كان رأيك بالحب رائع .. لية في اعتقاد غالبية الناس انه الشخص

لو حب كأنه أرتكب جريمة ؟ مع إنه الحب يجي فجأة من غير سابق انذار ..

استغفر الله العلى العظيم

الحب اخى الطيب عمره ماكان جريمه ابدا ديه غريزه فى قلوبنا جميعا لازم

نحمد ربنا عاليها انه خلقها لينا لازم نحب ونتحب عشان نعرف نعيش والحب

اسمى واغلى واجمل شئ فى الوجود وهو زى ماقولت بدون سابق انزار لان

ربنا وحده الذى يعلم بالوقت هو اللى محدد مين يحب مين مش احنا اللى بنحب

ربنا هو اللى بيزرع فى قلوبنا الحب ده وطبعا اعتقاد خاطئ بالمره اما لو الحب

هانقول عاليه انه جريمه فده يكون فى حالة الحب فى الظلام يعنى الاهل مش تعرف

عنه شئ فده بيكون حرام شرعا مادام مش بنعمل شئ غلط يبقى ليه نخاف نصارح

اهلنا عشان يكونوا معانا بافكارهم وارائهم بحكم سنهم الكبير والخبره اللى اكتسبوها

منا لحياه وعشان ربنا مش يحاسبنا اننا بنحب فى الضلمه مش فى النور يعنى بنعمل

حاجه غلط وخايفين منها يبقى حرام مش جريمه الحب حلو حلو قوى

وربنا يملى قلوبنا جميعا بالحب والخير يارب

20) هل انتى مغرورة ؟؟ وامتى تكونى مغرورة ؟؟

مغروره لاء طبعا الحمد لله مش بحب الصفه ديه تتملكنى ابدا لو مغروره

فاهايكون بسعادتى وفخرى بحب اهلى وثقتهم فيا انما مش توصل للغرور ابدا

بمعنى شئ وحش غير مرغوب فيه

21 ) ما هو اكثر ما يرضي غرورك

اولا انا مش مغروره بس بحب اشوف كل الناس بتحبنى وبتهتم بيا ده اظنه

ابسط حقوقى عاليهم يعاملونى بالمثل بحبهم يحبونى برده

ووفينا بالوعد وسأ لنا اهوة

ربنا يخليك يارب

جاوبى على دووووووول

يارب ماتكونوش مليتوا او زهقتوا منى يارب

ولو فاضل فى وقت هجيلك تانى ان شاء الله

وانا متظراك ياغالى بس ايه انت نفسك طويل قوى بس برده انا اطول

صح قصيره لاكن نفسى طويل هههه

سلام

اخيرا سلام ياعمووو ابقى اقطع بقى الجوابات

_________________

إذا غــاب إســمي ولـم ترونــي فهــذه ردودي تذكـــرونــي
If my name was absent this Troni my responses Tzkroni