معانا النهاردا نجم من منتدى حدوتة صاحب الابتسامه والفكاها Whi$per

مش ممكن يا جدعان الحب ده كله
يا لهوى
_________________

I am looking for more, simple things is what my heart beats for
Cause its me I don't ask for much Baby Having you is enough

Je suis à la recherche de plus, des choses simples, c'est ce que mon coeur bat. Parce que son moi, je ne demande pas beaucoup de bébés Ayant vous suffit

انجز ياعم فى الاسئلة

النهاردا الخميس

وانا عايز اسئل

يلا نلتقى كمان نص ساعة

_________________

I do not Know Iam Happy OR Sad

BUT N0W.. At This Moment

Iam Very Very Happy To See You at Right

TnX f0r GoD

ما أجمل زهرة في حياتك؟

والدتى طبعا اجمل زهرة فى حياتى
اى نعم هيا كبرت على كلمه زهرة دى
هههههههههههههههه
بس مفيش ست فى حياتى غيرها

ايه الشيء الذي يفرح قلبك في هذه الحياة ؟

تقدرى تقولى الشىء الى ممكن يسعدنى فى الحياه
لو اخواتى البنااااات بقى سابو البيت و راحو كل واحده بيتها بقى
و البيت يفضى عليا انا و اخويا بس
يا لهوى
ده البيت هيتقلب

هل لديك أية طموحات أخرى مستقبلية في الحــــياة بعد التخـــرج ؟

اول حاجه هعملها ( لو ربنا انقذنى من دخول الجيش )
هسافر بره مصر
هروح اى مكان

ماهو شعورك وانت في كرسي الاعتراف ؟

بينى و بينك (متقوليش الكلام ده لحد )
انا فى الاول لما لقيت كله بيتسأل و بتاع
قولت الله دى لعبه جامده
و قولت لدادا انا عايز العب اللعبه دى
و نصيحه من اخ
يا جدعان اللعبه دى منيله اوعى حد يلعبها
هتيجى تعد على الكرسى هتتفضح يا منيل
(بفكرك تانى اوعى تقولى لحد و نبى لهتنفخ )

عمل ندمت على فعله ؟

والله يا ميوش انا مش عارف انا مندمتش على حاجه عملتها فى حياتى قبل كده غير موضوع الثانويه العامه

ايه اخر رساله وصلت لك ؟ وكانت من مين ؟
قصدك يعنى رساله موبايل ؟
ههههههههههههههههههههههههههههههههههههه
والله مش عارف اقولك عليها ولا لآ
احراج
بس كانت قديمه اوى
(مش هعرف ارد على التليفون انا فى السينما هكلمك لما ارجع )
كانت من جوجو
ماذا تعني لك الكلمات الآتية
العاطفة (العاطفه دى مش مجرد احساس لا والله ابدا در حاجه كده ربنا زرعها فى قلوب الامهات
اما يا ستى الموقف الى حصلى عرفت فيه العاطفه دى
فى مره اصحابى فى الكليه عملو فيا مقلب و واحد خفيف حطلى حبوب هلوسه فى عصير
شربته انا من هنا
و اتقلبت حاجه تانيه من هنا
و فضلت بره بتنا لحد ما الساعه جات 11 كده ولا حاجه
و مكنت شايف ادامى
ولا فاكر حصل ايه
بس لما فوقت بعديها بيومين
حكولى ان انا لما جيت ادخل بتنا
معرفتش اساسا ان ده بتنا
لما ماما فتحت الباب
سألت عن نفسى
و هيا فكرتنى بهزر
مع ان انا مكنتش فعلا شايف حاجه ولا عارف هيا مين
و اول ما فوقت بعديها بيومين
اول ما ماما شافتنى خدتنى بالحضن و فضلت تعيط
اهى دى عاطفه )

الرحمة (الرحمه دى شئ جميل اوى
لو كل الناس تكون فى قلبها رحمه
كانت اللحمه ب 5 جنيه
هههههههههههههههه
و يمكن اقل من كده كمان
اما موقف حصلى عشان اقول كده
فى مره رايح عند الجزار
ايام مكان الكيلو ب 26
فا كنت انا طبعا لسه عيل صغير
فا اديته الفلوس وقولتله هات كيلو
و انا مروح كان فيه عماره مشهوره اوى بكلب فيها
مكنتش اعرف اساسا غير اليوم ده
و لك ان تتخيل بقى و انا معدى من ادام البوابه
بس الحمد لله محصلش حاجه كبيره
يادوب البنطلون اتقطع ( مش لازم اقولك اتقطع ازاى و منين )
المهم ان انا روحت البيت من غير اللحمه
و كان يوم اسود
تخيلو لو كان فيه رحمه
مش كنت بال 26 دول انا خمسه كيلو و اتفضل جنيه
وبعدين الكلب هياكل كام
كيلو ؟ اتنين
قول تلاته
اتفضلى انا اتنين
وكنت هجرى برده

العقلانية (اساسا يا ميوش مجربتش اكون عاقل قبل كده مقدرش اجاوبك على السؤال ده والله ولا حتى فيه موقف عاقل حصلى )

فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم
قلبك أم عقلك ؟؟؟؟؟؟؟؟
الأسبق فالتحكيم
هوا الى بياخد القرار الاول العقل
بس الى بيفكر فيه القلب
و الاسبق فى التحكيم العقل

مالفـرق بين الحب والصداقة ؟ وهل يمكن ان يسلكا طرق الغيرة 00؟
بصى يا ستى
الحب و الصداقه مختلفين جدا جدا جدا (مجتش حاجه جديده طبعا ايه الغباء ده يا عم انتا )
مش مهم سيبك من الى بين قوسين ده ركزى معايا انا
الصداقه ملهاش نهايه بمعنى
صديق انهارده
هوا هوا صديق بكره
الحب بقى يا ستى
لو راح فى يوم
مش هيرجع
الى بنحبه مره و بننساه مش بنحبه تانى
اما الصداقه
شجره صلبه بيجى عليها الفصول الاربعه و هيا زى ما هيا برده شجره صلبه
الحبيب
بنكون عايزينه لينا لوحدنا
اما الصديق
نتمنى كل الناس تعرفه زينا
الصداقه بتبدأ عند رقم واحد
و بتنتهى عند لانهايه
معنى كده انها ممك تتجزأ
بس الحب
مش بيتجزأ
يعنى ممكن اقول ده صاحبى اوى
ده صاحبى بس مش اوى
انما مش بقول
ده حبيبى اوى
ده بقى مش حبيبى اوى
الحب درجه واحده بس

طبعا لازم يكون فيه غيره هنا و هنا
بس اظن بتكون اكتر فى مسأله الحب فى كل حاجه
انما فى الصداقه فى حاجات معينه

ما هو تعرفك للمجنون؟؟

ده البنى ادم الى معندوش عقل
او عنده عقل بس مش بيفكر
ديما قاعد فى حته واحده بس
فى مستشفى المجانين اكيد
و دورى بقى في المجانين دول كويس هتلاقينى قاعد فى وسطهم
هههههههههههههههههههههههههه

العاقل؟؟
العاقل ده اسم جاى من العقل
عاقل اسم فاعل
بمعنى كثير العقل
او بلغتنا بيفكر بعقله كتير
و ده مش انا ابدا
انا مش بفكر اساسا

المتكبر؟؟اولا المتكبر هوا اسم من اسماء الله سبحانه و تعالى
اما بقى لو قصدك على المتكبر من البنى ادمين فا احب اقولك ده المكرووة
لأن اساسا مفيش حد بيحبه

المتواضع؟؟
اهو هوا ده بقى التمام
ده الى ممكن نقول عليه بنى ادم صح
واحد مش بيفتخر بكتر الفلوس الى عنده
او بيفتخر انه عمل حاجه محدش عملها
تواضع
و عشان كده ربنا رفعه عن باقى الناس

وما هي المجالات التي تتمنى ان تأخذها منهاجا في حياتك ؟؟

اتمنى المجال الى اخده منهج فى حياتى يكون فى مجال الانترنت
لأنى اساسا مش بعرف اعمل اى حاجه غيره

ما هي احلى كلمة قيلت لك ؟؟
كانت بنوته صغيره اوى معرفهاش فى الكليه
و لقيتها جات وقفت ادامى
و فضلت واقفه
بصيتلها و ضحكت
شاورتلى عشان اوطى اسمع حاجه بينى و بينها بس
و بعدين لقيتها بتقولى انتا شبه خالد النبوى
هههههههههههههههههههههههه
و دى كانت احلى كلمه تتقالى
ال خالد النبوى قال
فضلت باصص على البنت بقى جايه مع مين عشان مش معقول هتقول الكلام ده من نفسها
معرفتش برده
بس بجد دى كانت احلى كلمه اتقالتلى
واخده بالك ؟
خالد النبوى
ههههههههههههههههههههههههههههههههههه

كلمه سمعتها ودايما على بالك ولاتقدر تنساها ؟
جعان
ههههههههههههههههههههههههههههههههههههههههههه

ايه الكلمه اللي ترددها دائما ؟

برده جعان
هههههههههههههههههههههههه
والله مش هزار ده بجد

قلم وورقة بين يديك ماذا سوف تكتب على سطور تلك الورقة ولمن؟

هكتب
قلبى سألنى عليك
و لمين ؟
لمن يهمه الامر

_ما رأيك بـ
المرأه(نص المجتمع بس مش فى كل حاجه )
المال( ممكن يشترى حاجات كتير الا الحب و السعاده )
الدنيا( الدنيا دى حلم بنحلمه و احنا نايمين اول ما بنصحى بنكون فى الاخره)
الحب( الحب فى القلب زى الرز فى الكوسه )
الام ( الام دى احلى حاجه فى الوجوود ربنا يخليهالنا كلنا)
الابن( زى البطيخه يا حمرا و طعمها حلو يا قرعه و رخمه )
ههههههههههههههه
حلوة البطيخه دى
الحياة(درس كبير و احنا فيه مجرد تلاميذ و كل يوم فيها امتحان ولازم بقى نزاكر ايه الى مصيكو وراكو حياه الصبح متفوتوهاش )
الموت( الموووووووووووووووووووووووووووووووووووووت علينا حق )
اعضاء حدوته ( بصراحه بقى عيال رخمه و رزله و كل حاجه وحشه فى الدنيا الى يقول عليهم كلمه كده ولا كده اعضاء حدوته دول احسن ناس فى الدنيا )
هههههههههههههههه
قلبك وقع انا عارف

حاسه انك كرهتنى خلاص ياوسبر
لا والله يا ميوش ابدا دنتى اسئلتك لذيذه اوى بس بصراحه تعبت فيها اوى دلوقتى الساعه 5 الفجر ورايح الجامعه الصبح

هههههههه محبتشى اطول عليك

طولتى ايه ده انتى نورتى الاوضه الضلمه الى انا قاعد فيها و قاعد تحت الاستجواب
_________________

I am looking for more, simple things is what my heart beats for
Cause its me I don't ask for much Baby Having you is enough

Je suis à la recherche de plus, des choses simples, c'est ce que mon coeur bat. Parce que son moi, je ne demande pas beaucoup de bébés Ayant vous suffit

لالالا بقولك ايه سبنى اجاوب على مهلى
هههههههههههههههههههههههههههههه
مش معايا حاجه اسند عليها
هجيب مهلى اجاوب عليه
_________________

I am looking for more, simple things is what my heart beats for
Cause its me I don't ask for much Baby Having you is enough

Je suis à la recherche de plus, des choses simples, c'est ce que mon coeur bat. Parce que son moi, je ne demande pas beaucoup de bébés Ayant vous suffit

ياخى تنيل انت فالح

ايون طبعا فالح الى يقول غير كده اخرب بيته

كويس انك دلخت جامعة اصلا
اااااااه انا حاسس ان انتا بتبقشش عليها
وحاسس كده انك مكتم حاجه جامده

ههههههههههههههههههههههههههههههههههههههه

هههههههههههههههههههههههههههههههههههههههههههههههه

معاية سؤال كدا محيرنى شوية

اما نشوف اخرتها معاك يا سيدى
قول

انت كنت الاول معانا فى السايت

ايون قول كمان قول

وبعد كدا مشيت وغيت شوية كان اية السبب

اقولك يا سيدى
انا مشيت من حدوته فى الاول
عشان حسيت ان محدش واخد باله منى
تقدر تقول سنه غرور
بس ده مكنش السبب الرئيسى
انا اتظلمت والله
اقولك من مين ؟
امانى يا سيدى
كانت بتقول ان انا عاملها بلوك
مع انى عمرى ما عملت لحد بلوك
بس كان سوء تفاهم
و انا كبرت المسأله
و رجعت بصراحه عشان المنتدى وحشنى اوى
ههههههههههههههه

وجيت تاااانى كان اية بردة السبب

ايه ياعم انتا بتمشينى بالادب ولا ايه
الله يا عم منا لسه قايلك
هقولك تانى
ورجعت تانى عشان المنتدى وحشنى اوى
هههههههههههههه
اهو قولتلك

ومين اللى رجعك للسايت انت اللى رجعت لوحدك معتقدش (( مصادر سرية ))
مش بقولك انا من الاول حاسس انك مكتم حاجه
ياسيدى
انا هقولك الحق
انتا رجعتنى السايت
و علاء رجعنى السايت
و امانى رجعتنى السايت
و بوسى رجعتنى السايت
و ميوش رجعتنى السايت سلام ياحبى

حبك ايه بقى ياعم دنتا حقنه

وان شاء الله تبقى معانا على طول

على قلبك قاعد لحد ما تتخنق منى

ومش تغيب عننا تانى

ايوه يا دادا ثبتنى ثبت
خش فى عبى خش
_________________

I am looking for more, simple things is what my heart beats for
Cause its me I don't ask for much Baby Having you is enough

Je suis à la recherche de plus, des choses simples, c'est ce que mon coeur bat. Parce que son moi, je ne demande pas beaucoup de bébés Ayant vous suffit

هههههههههههههههههه

والله مش عارفه اقولك ايه ياوسبر

بس انت حقيقى انسان زى العسل

كان احلى اسبوع ع كرسى الاعتراف

ويارب تفضل اسره حدوته كده ع طول

_________________

السلام علي احلي شباب في الدنيا
اولا انا سعيد بمعرفتكم
ثانيا انا عارف ان احنا منعرفشي بعض كويس
بص يا سيدي انا حاسالك اسئله بسيطه
اولا انت ايه اكتر صفه ممكن تجذبك لشخص لسه عارفه قريب؟
ثانيا انت ليه عامل تشويش علي صورتك؟اذا كانت صورتك طبعا
ثالثا ايه اكترحاجه ممكن تزعلك من اصحابك؟
كفايه كده لحد دلوقتي
في انتظار ردودك
صديقك الجديد
SCORPION

هاى عاوزة اسالك شوية اسالة ممكن الصداقة تقلب فى يوم بحب؟ ممكن تغير رايك فى شخصية بسبب موقف معين ؟ واية هو الموقف دة؟ لو جات بنت وانت قاعد فى الكلية وقالت لك بحبك هيكون ردك عليها ايه ؟